Inicio  |  Fotos   |  Noticias  | Libro de visitas  |  Foro  |  Correo  |  Como páxina de inicio

 

BANDEIRA

COMARCA

XENTE E GRUPOS

A Folla Revirada

Banda de música

Xirandola

Fortín da Pomba

Ramón de Valenzuela

Manuel Dopazo

José Vales

Coro Vales Mahía

AXENDA

VARIOS

 

José Vales, un tenor de Bandeira

El tenor Gallego José Vales obtiene en Madrid un sonado éxito.

    Baixo este título aparece publicado o 10 de xaneiro de 1928 no xornal Céltiga en Bos Aires, o triunfo en Madrid do tenor D. José Vales natural da parroquia de Mánduas coa interpretación de “Lohengrin” de Wagner.

    Nin que dicir ten que as terras de Trasdeza escoitaron os primeiros latexares de protagonistas de proxección internacional tan importantes e de tan variadas artes. Nas letras atopamos a Ramón de Valenzuela Otero, na pintura a Colmeiro na política Alonso Ríos e na música a José Vales.

    D. José Vales, naceu co século XX, sen poder precisar a data, no lugar de Vilaverde parroquia de Manduas. Seus pais procedían das terras da Arzúa. Sendo un meniño, como moitos outros rapaces galegos, ten que se ir a terras americanas na procura dun novo e mellor porvir.

    José Vales formase musicalmente en Bos Aires, na escola de canto e danza da capital Arxentina, como tenor. Participa activamente nas festas tan concorridas organizadas polas Sociedades Galegas en Bos Aires, principalmente nas veladas da Sociedad Pro Escuelas de Bandeira.

   En 1924 percorre parte de Sudamérica. Acada os maiores eloxios e aplausos da crítica Chilena. Continúa polos camiños de Brasil, Uruguay....

    En 1928 chega a Europa representando o Lohengrin do alemán Wagner.

    “Lohengrin” é unha ópera romántica. Esta obra, está dividida en tres actos e o último deles formado por dous cadros. Esta ópera, unha das mais fermosas e completas do compositor alemán foi estreada en Weimar o 28 de agosto de 1850. Lohengrin foi ata os anos trinta a ópera mais popular de Wagner. A finura do romance conxuntamente coa claridade da súa música acadou de seguido o afecto dos públicos de fala alemana.

    Poderíase dicir, seica Ángel Fernando Mayo, que o intre de maior calidade musical e poética da obra é o preludio do primeiro acto cando catro violíns solistas anuncian na ópera a aparición duna manifestación luminosa precedendo o incremento en intensidade coas incorporacións sucesivas do conxunto de cordas, madeiras e metais da orquestra.

    Esta ópera traducida ó italiano, farase menos difícil para a mentalidade latina; proba delo é o éxito acadado por D.José Vales en Italia representando o Lohengrin ó igual que o 6 de decembro de 1928 e Madrid.

    Os xornais arxentinos advirten das ventás da súa voz, maila finura  da mobilidade no escenario. Estas dotes, fan que plumas tan importantes como Joaquín Turina no xornal madrileño El Debate, publique: El tenor José Vales es un muchacho gallego que seruramente hará una brillantísima carrera. Su voz es de un timbre tan puro y tan cálida, que es una delicia oírle; anoche cantó Lohengrin por primera vez, y , aunque sin encontrar los mil detalles y las callejuelas de los veteranos, fue tan ingenio y tan sincero, que desde el primer momento conquistó las impatías del público

    Outro xornal madrileño dicía: José Vales, tenor español, que debuta, fue un lohengrin aortunadísimo. De voz espléndida por su timbre varonil y por su excelente calidad, acertó a dar con el matiz interpretativo justo y adecuado, del caballero del Santo Graal, manteniéndose en los límites más encomiásticos como cantante ponderadísimo y discreto actor. Cantante sincero, se ofrece en toda su cuantía, sin que un detalle de mal gusto ni la más leve licencia empañe el conjunto de su afortunada intervención. Su presentación produjo una gran impresión que se tradujo en muy efusivos aplausos.

    Como todo bo artista de obra e de espírito, achegouse ó lugar onde nacera e onde viviran  seus pais, acompañado por numerosas personalidades do pobo, entre eles José Villares Lamela. Por tan bo recibimento,  agasallou os residentes de Bandeira cun pequeno concerto na casa de Villares.